فلسطین کو ریاست قرار دینے سے متعلق قرار داد میں تبدیلوں کا امکان

امریکا ، اقوام متحدہ میں فلسطین کو ریاست قرار دینے سے متعلق قرار داد میں تبدیلوں کے لیے سر گرم ہوگیا ہے۔ وزیر خارجہ جان کیری نے کہا ہےکہ وہ اگلے ہفتے یورپ میں ہونے والے مذاکرات میں اسرائیل فلسطین کے درمیان اقوام متحدہ کی قرار داد پر تنازع ختم کرنے اور ممکنات کادائرہ کار بڑھانے کی کوشش کریں گے۔ امریکی وزیر خارجہ جان کیری نے کہا ہےکہ اگلے ہفتے یورپ ميں ہونے والے مذاکرات میں اسرائیل اور فلسطین کے درمیان کشیدگی کم کرنے پرغورکیا جائے گا ۔ جان کیری پیر کے روز روم میں اسرائیلی وزیراعظم نیتن یاہو سے ملاقات کریں گے ،جہاں اقوام متحدہ میں فلسطینی ریاست کی ممکنہ قرار داد پر بات ہوگی ، جس کی منظوری سلامتی



کونسل کے مستقل ارکان کودینا ہے ۔جان کیری کا کہنا ہے کہ وہ تناؤ کو کم کرنے کے لیے راستہ نکالنے کی کوشش کررہے ہیں تاکہ نیا تنازع کھڑا ہونے کے امکانات بھی کم کیے جائیں اس سب کے لیے ممکنات کا دائرہ کاربڑھارہے ہیں۔ اسی معاملے پر اردن کی تجویز کردہ قرار داد کو مغربی سفیروں نے غیر متوازن قرار دے دیا ہے ساتھ ہی فرانس برطانیہ اورجرمنی بھی ایک مسودہ تیار کررہے ہیں۔ امریکی وزیرخارجہ کاکہنا ہےکہ چند ممالک ایسا معاہدہ چاہتےہیں جس پر اسرائیلی انتخابات سے پہلے عمل درآمد ہونا آسان ہوجو مارچ میں ہونے ہیں اور یہ قرار داد رواں ماہ ہی لائی جاسکتی ہے۔ اس معاملے پر جان کیری کی جمعرات کو فرانسیسی ہم منصب سے ملاقات متوقع ہے ۔ -